Etsuo Miyoshi

Ricevo de Ordeno de la Leviĝanta Suno La 12-an de novembro mi ricevis la Ordeno de la Leviĝanta Suno ĉe la Imperiestra Palaco en Tokio. Ĝi estis donata al mi pro la kreo de Walkin’Bag, kiu apogas handikapulojn por moviĝi ien ajn dum komercado, promenado, vojaĝoj, eĉ hejme. Ĉ. 1,000 ordenricevantoj estis en granda halo. La Imperiestro gratulparolis. Poste, promene sindirektis rekte al mi. En mia koro regis konfuzo. Mi ne komprenis kio okazis. Li afable demandis pri mia sano, mi dankis pri lia komplezo kaj li kliniĝis. Sekve, ĉirkaŭiris salutante ĉiujn. Post mia naskiĝo mi kaptis poliomjeliton. Infanoj primokis min, amikinoj foriris de mi, malfacilis promeni kaj nun mi batalas kontraŭ postpoliomjelito. Tiaj premoj trejnis min persisti en la kreado, surmerkatigo kaj manaĝerado de ĉio ajn. Tiel mi povis transiri la Rubikonon. Retrorigardante mian vivon, mi konstatas, ke Dio benis min. Mia malsano utilis por helpi aliajn suferantojn kaj krei paradizon. Koran dankon pro via subteno kaj komprenemo por mia agado en Oomoto, Esperantujo kaj komercado. Etsuo Miyoshi

Koran Gratulon 
de redakcio 
de Verda Stacio !